Far vel fley! | Tíbrá

Umbra kafa í íslenskan miðaldakveðskap og leitast við að draga hann fram í dagsljósið í eigin útsetningum. Hópurinn vinnur með efni sem á rætur að rekja til íslenskra eddukvæða, sagnadansa og annarra forna texta úr miðaldahandritum, og leggur áherslu á að nálgast textana bæði sem menningararf og sem lifandi sköpunargrunn. Umbra vinnur með textana út frá formgerðum og rithefð þeirra, og leggur áherslu á að framsetningin sé sjálfstæð túlkun byggð á frumheimildum.

Efnisskrá tónleikanna byggist annars vegar á nýjum tónsmíðum hópsins við fornan texta, þar sem frumsköpun er sett í beint samtal við efni úr miðöldum, og hins vegar á nýjum útsetningum á sagnadönsum – kvæðum sem lifðu í munnmælum og handritum og bera með sér krassandi sögur af ástum og örlögum liðinna alda.

Á undan tónleikunum verður boðið upp á tónleikaspjall klukkan 13:00. Aðgangur á spjallið er ókeypis og öll velkomin.

You may also like the following events from Salurinn Tónlistarhús:

• Next Thursday, 3rd July, 05:00 pm, Sumartónar í Salnum - Ragnheiður Gröndal in Kopavogur
• Next month, 10th July, 05:00 pm, Sumartónar í Salnum - Los Bomboneros in Kopavogur
• Next month, 17th July, 05:00 pm, Sumartónar í Salnum - Katrín Halldóra in Kopavogur